Dje në ora 17:10 në SPB Shkup një grua 77-vjeçare nga Shkupi ka raportuar se është mashtruar nga një person për shumën prej 10.000 euro.
Sipas njoftimit, personi e ka thirrë në telefon dhe i ka thënë se vajza e saj dyshohet që është përfshirë në një aksident trafiku ku ka humbur jetën një vajzë e moshës së mitur dhe se prindërit e vajzës gjoja të mos denoncohet rasti në polici, nëse ua jep 10 mijë euro, transmeton portali Lideri.mk.
Siç raportohet, 77 vjeçarja u dakordua dhe ia dha paratë mashtruesit ata ranë dakord. Por më vonë ka kuptuar se nuk kishte një aksident të tillë dhe se ishte mashtruar.
Po ndërmerren masa për zbardhjen e rastit, tha policia./Lideri
