Gjendet drogë gjatë bastisjes, arrestohen tre persona

Pas ndërmarrjes së masave dhe njohurive të siguruara se një kohë të gjatë po realizohet shitja e drogës personave të varur nga droga, më datën 18.03.2024, nëpunës policorë të Njësitit për tregti të palejuar me drogë-Sektori për tregti të palejuar me drogë, armë dhe materie të rrezikshme pranë Departamentit të policisë kriminalistike në koordinim me Njësitin për tregti të palejuar me drogë pranë SPB Shkup dhe Njësitin special antiterrorist “Tigri” me urdhër gjyqësore kanë kryer bastisje në shtëpinë dhe në hapësirat tjera ndihmëse të G.P. (45) nga Shkupi.

Siç njofton MPB, gjatë bastisjes janë gjetur dhe sekuestruar heroinë, peshore digjitale, më shumë gjësende me mbetje të heroinës dhe shumë gjësende tjera të vlefshme për të cilat ekziston dyshimi se rrjedhin nga veprat penale. Poashtu, gjatë bastisjes në shtëpinë e G.P. i pranishëm ka qenë edhe D.ZH. (46) nga Shkupi.

“Që të dy janë privuar nga liria. Më herët nga liria është privuar edhe Z.D. (50) nga Shkupi i cili gjatë ditës ka qenë në shtëpinë e G.P. dhe ka përdorur heroinë. Pas dokumentimit të plotë të rastit në koordinim me Prokuror Publik do të ngritën kallëzime përkatëse”, thuhet në kumtesën e MPB-së.