Kolona të automjeteve dhe turma në vendkalimin kufitar Tabanoc. Mijëra shtetas të Maqedonisë u nisën për në Serbi këtë mëngjes pasi autoritetet e atjeshme njoftuan, se të gjithë shtetasit e huaj të interesuar mund të imunizohen falas këtë fundjavë me vaksinën Astra Zeneka. Vaksinimi kryhet në disa pika në panairin e Beogradit, dhe përveç nga Maqedonia, ka edhe qytetarë nga BeH dhe Mali i Zi. Disa nga qytetarët shkuan për vaksinim pasi ishin paraqitur më parë në sistemin shëndetësor elektronik serb, pas së cilës ata morën ftesë me termin. Por, ka edhe njerëz që nuk kishin caktuar termin, por me vete kanë vetëm pasaportë. Pas marrjes së dozës së parë të vaksinës, qytetarët do të marrin termin në mënyrë elektronike, për rivaksinim tre muaj më vonë. Sipas udhëheqësit të VMRO-DPMNE-së Hristijan Mickoski, fotografia e sotme në Tabanoc e pasqyron paaftësinë e qeverisë, për të siguruar vaksina për qytetarët e saj.
Shtetas të Maqedonisë së Veriut vaksinohen në Serbi
