July 23, 2024
Maqedoni

Kovaçevski pyet Mickoskin: A po ju thoni politikanëve vendas dhe të huaj, më jepni pushtet dhe unë do ta ndryshoj Kushtetutën?

Kryetari i LSDM-së, Dimitar Kovaçevski, nga tribuna në Kumanovë, i drejtoi pyetje kryetarit të VMRO-DPMNE-së, Hristijan Mickoski. A u thotë politikanëve të huaj që vijnë në vend, përfshirë edhe politikanë të brendshëm, në takimet që ka me ta: “Më jepni pushtet dhe do të ndryshoj Kushtetutën”, le të përgjigjet që të dëgjojnë të huajt dhe qytetarët tanë. “, tha Kovaçevski, transmeton InfoShqip.

Kovaçevski tha se “Hristian Mickoski është i lodhur dhe nervoz, prandaj vazhdimisht kërkon zgjedhje të parakohshme, sepse me kalimin e kohës Apasiev po i merr votat dhe dje këtë e ka pranuar personalisht Mickoski”.

“Guximi nuk është të ulesh mënjanë, të fshihesh pas Apasiev, të dëmtosh vendin tënd dhe të kërkosh zgjedhje të parakohshme. Guximi është të përveshësh mëngët, të japësh rrymë, ujë, energji në kohët e krizës më të madhe Guxim është të sigurosh paketën më të madhe të masave kundër krizës në Ballkan ndërkohë që e gjithë bota po vuan. Është guxim të miratosh një buxhet me një vizion të ri ekonomik për një moment historik ekonomik. Guximi është të sigurohet njëherë e përgjithmonë identiteti maqedonas. Dhe guximi më i madh është të marrësh një vendim të vështirë për të ardhmen e vendit dhe të mos fshihesh si peng pas Apasiev-it”, ka theksuar Kovaçevski sonte në Kumanovë./InfoShqip.com