Grubi: Stabiliteti dhe konzistenca e Ali Ahmetit përballë kaosit opozitar

Zëvendëskryeministri i parë dhe ministër për sistem politik dhe marrëdhënie ndërmjet bashkësive, Artan Grubi përmes një postimi në faqen e tij të rrjetit social Facebook ka shprehur qëndrimin e tij në lidhje me ofertën e prezantuar të subjekteve politike.

Ai ka thënë se stabiliteti dhe konzistenca e Ali Ahmetit dhe Bashkimit Demokratik për Integrim po përballet dhe triumfon ndaj kaosit opozitar, ku vërehet qartë mungesa e programit dhe vizionit, lëkundëshmëria dhe papjekuria në qëndrime gjë që shihet qartë në deklaratat dhe veprat e tyre.

“Në këto zgjedhje konzistenca në politika dhe qëndrime, parashikueshmëria e sigurt e të ardhmës, stabiliteti në vendimmarje, realizimi i shtyllave programore, dinjiteti në përfaqësim është përballë aventurave, ndryshimit të qëndrimeve, mungesës së programit dhe vizionit, lëkundshmërisë, laramanisë, papërvojës, papjekurisë, paparashikueshmërisē, paqëndrueshmërisë.

Nuk ka asnjë dilemë të vetme dhe këtë e dijnë shumë mirë qytetarët, mjaftojnë vetëm t’ua krahasojnë deklaratat dhe të bërat” – është shprehur Grubi.