Era Syla, talentja shqiptare e matematikës pranohet në një nga universitetet më të mira në Amerikë

“Era një talent në matematikë”, nxënësja shqiptare pranohet në një nga universitetet më të mira në botë

Era Syla
Nxënësja shqiptare nga Kosova Era Syla, është pranuar në njërin ndër universitetet më të mira të botës, MIT-Massachusetts Institute of Technology.

Lajmin e ka bërë me Shoqata e Matematikanëve të Kosovës. Era më parë ka fituar edhe Medalje të Bronztë në Olimpiadën Matematike Evropiane për Vajza -EGMO 2020, duke u bërë kështu fituesja e parë nga Kosova e një medalje në EGMO.

“Ky sukses i Erës para së gjithash është rezultat i talentit të saj për matematikë dhe i punës e përkushtimit të saj të palodhshme. Rikujtojmë se nxënësja Era Syla ka fituar Medalje të Bronztë në Olimpiadën Matematike Evropiane për Vajza – EGMO 2020, duke u bërë kështu fituesja e parë nga Kosova e një medalje në EGMO”, thuhet në një njoftim të kësaj shoqate.

E plotë:

Nxënësja Era Syla pranohet në MIT – Massachusetts Institute of Technology

Nxënësja Era Syla është pranuar për të studiuar matematikë në njërin ndër universitetet më të mira të botës, në MIT – Massachusetts Institute of Technology në SHBA.

Ky sukses i Erës para së gjithash është rezultat i talentit të saj për matematikë dhe i punës e përkushtimit të saj të palodhshme. Rikujtojmë se nxënësja Era Syla ka fituar Medalje të Bronztë në Olimpiadën Matematike Evropiane për Vajza – EGMO 2020, duke u bërë kështu fituesja e parë nga Kosova e një medalje në EGMO.

Po ashtu, ky sukses i Erës do të ishte shumë më i vështirë pa përkrahjen dhe investimin e vazhdueshëm të familjes, mësimdhënësve, individëve e organizatave të ndryshme profesionale.

Shoqatat e Matematikanëve të Kosovës iu shprehë mirënjohje dhe falënderim të gjithë atyre që kanë kontribuoar në realizimin e arritjen e këtij suksesi nga ana e saj!

Me këtë rast, një falënderim të veçantë e meritojnë Bleron Baraliu dhe Valmir Krasniqi nga Shoqata e Matematikanëve të Kosovës, të cilët e kanë ndihmuar Erën gjatë gjithë procesit dhe procedurave të aplikimit në MIT – Massachusetts Institute of Technology, si dhe i kanë ofruar asaj ndihmë e referenca kredibile e profesionale për pranim në MIT – Massachusetts Institute of Technology.

Shoqata e Matematikanëve të Kosovës e uron dhe e përgëzon nxënësen Era Syla për suksesin e arritur dhe i uron studime të suksesshme në MIT – Massachusetts Institute of Technology.

Shoqata e Matematikanëve të Kosovës mbetet e përkushtuar të kontribuojë me të gjitha mundësitë dhe kapacitetet që ka në dispozicion për t’i mbështetur të rinjtë e talentuar në fushën e matematikës.

Shoqata e Matematikanëve të Kosovës,

Prishtinë, më

15 mars 2021