39 viktima nga koronavirusi në 24 orët e fundit në Maqedoninë e Veriut
Ministria e Shëndetësisë ka njoftuar se në 24 orët e fundit janë bërë 4.986 testime, ndërsa janë regjistruar 1.493 raste të reja me Covid-19.
Instituti i Shëndetit Publik ka regjistruar 2.652 pacientë të shëruar.
Nga MSH informojnë se në 24 orët e fundit kanë ndërruar jetë 31 persona, të cilët kanë qenë pozitiv për COVID-19. Ndërsa nga sistemi “Termini im” janë paraqitur edhe 8 pacientë të vdekur, të cilët kanë ndërruar jetë në periudhën prej 26 janar deri 31 janar 2022.
